Tonta Ola pangkalo' puang

Pa'de RARA' masokanna tina'gayang pando pasuka' tibambang roko matampu' songka roko kalambunan, tibambang unoyok langi' songka unnalla batara, nakua pa'kadananna sundun puduk nakumua lalaomo' sola puang te dao totumampa rara'ta lata patumbami lako lata puang di apami ba'tu apa nakitanan napatu pa'inaan, maleia siayukalamba' rekke sangsamba' karambau kenna ia yanta tongan kenna ba'teng antaliu tangtatangga'pa lamale tangdielopa memboko' kenmi manukna lapande  tulondongna pongtulang didi' saungan arrang di batara anta ma'kukuang roko anna motok diong mai  paladikua ladipatumbari duka' ladi puang di apari puangya ma'kada misa ma'palao tang sala-sala untoee gontingna sura' ladi tulakrika langi' ladipanangai rika mintu'ki' nasambo langi' narande tana kalua'...

Belajar Kada tominaa "ROMBONGAN"

situru' solo'na allo, sipanglola tipalempena kulla'.....

,.,.,.,.,.,.,.



Tomanda' sulengka rara'na lan lantang tau la'bi... Tobintin issungan makaraengna diong rantean tuyunna pande dibolong.. laku sa'bu'pa diong sangrara'mi dio pa'gantianana makaraengmi... sangsiturusanna Pong A diomai Padang di Papua rampo unnula' rara makamban latama lantang namoro' sangpulo dua (12) saelako namoro' sangpulo lima (15).................NAMA-NAMA ROMBONGAN................ susimo sangrara'mi denmo pa'gantianan makaraengmi disa'buran randan di pudu'ku na a'tikan tilengkok lilaku apa torro tomali' na ma'iii  daote topasumbungan pudu' torun kalea'na' mani' dao te pa' upuran kada-kada...

    Kukua tangla mitiroraka mai tangta'paraka matanmi mangurapa dadinku bola papentarukanku tangmaupu'pa' te umpalumba' sangpatikan kanna bisara, kamumo kamu pantaranakna pande pangloloan na manarang-nangmanarang komi kamu umpasipatu kada pandekomi kamu umpa siduduk ulelean kela denni tosilenda-lenda lan lepongan tondok ke ladenni tosala-sala lan tegontingna matari' allo...

     Diongmai  angganna toma'rapu tallang makalima'na to mempaoan ao' sisola anan di dadian bongsu nakondu torapa' tonaturiangna inde dao lalong masalo' mengkala' tiku, kumua belanna katang palambiran makalima'na katang maupuran lakibenan roko o'koran madatummi roko issungan makaraengmi anna kamu mora kamu sule  umpasi patu tana'i tama tondon tobatangmi umpasidundui katonganni rokko timban tingayomi

     Antan Tundan tongan mora Puang dimatua dao masua anggana to palulungan dao pataralayukna Puang titanan tallu tidindu samba' batu patoko " podo anan bura'ki lindo masakke diong terante kalua' anna pora'ki uaksake tanggori-gori diong te tandung kalonaran anta masakke mairi' marudindin solanasang

   Ta kokkaran sulengko rara'ta tatiberu susuk lako tuinan pura napatakgiranki toma'rapu

belajar Kada Tominaa (MANGRIMBA ATAU MEBALA KOLLONG)

To mebala kollong ba'tu Tomangrimba biasa duka disanga To ma'parapa'

tarapa mo dolo

ooeeeeeeeeeee totongkon eeeeeeeeee

eeengganna te totama solo' totama tuka' totiumba matallo matampu' todollo' lopi bulawan dayamai di poulunna salu totiumba' lo'mai tipariti'na minanga lambek.. ooeeeeee mekatabe'na' lako kasalle barinni' lako kalando kaoni' sitang silolok lalamba lakayu allang, limbong lante rante kalua' lampentionganni tommbi saratu' tasik tang bone-bone sumapu randanan lante tandung sea-sea...

oooeeeeeeeee tasiparapa'pa massolanasang tasita'tantapa angga mairi' angku bendanpa temetamba teturunku tunannang meongli' dao te lakkian lalong inde pandung diongkilo, eeeeee tapatanan rampa'pa talinga duanta massola nasang tapalidan maya-mayapa suling pa'peranggi angga mairi' tangsenga'na renden tapatananni talinga duanta tangleanri senga' lata patananni suling pa'perangginta...

apainderia tonalambi'mo menpuruk lampak tonadetek kasanda suka'na tonalambi'mo konno bannu'na  nadetek kullak kasidollokanna dipalendu'mo tama rante kalua' di patiladongmo tama tandung kalonaran di pamamma' dao te lakkian lalong di pamatindo daote tandung diankilo...

keeeeelambi'mi tandan allukna kulla' sidollokanna di sukaranmi kinallo lalanna lan rante kalua' disukaran mibarra' lan tetandung massea-sea...  oooeeeeee latumengka tedongna inde randan dipudukku lakumbaya' karambaumi inde dara' lengko lilaku lambi' mi dadinna inde lalong laku detek mi tampo rapa'na inde muane sundun garaganna... kumua ya ade' tonna tambukpi indo' tomendadianna tonna ambe'matasak tododo' kumombongna naporetampami dao pa'tambukanna indo' tomendadianna di pasundun pantarisanna inde pa'batenganna dodo' tokumombongna ganna'mi ade' tamparapa'na sundunmi pantarisan makarengna nalambi'mi pantan allu'na na dete' kulla kasidollokanna tonna ganna'mo pa'bulaannanna lasundunmo pa'taunanna...diiiiiiiiiiiii panguriasanmi lan tanggana bongi dipasuma'dinganmi lan passeko mallilin..di landolalanimi toma'pakianakna ilan padang babangan a'pa di langka pa'taunanimi tomang api'na ilan tondok pa'paelean.. eeeeeeeetona di sondongmi toma'pakianakna limbong diong ballaran ampa' endek dipalantakmi tomang api'na tasik diong rantean tuyu tangsala suka'..

Dirandeanmi arak bulawanna 



bersambung

Belajar kada tominaa

Tangla miranggiraka Oninna Alu, sipanglola tumbekanna Parepulu'..

          Angkulanggan mekatabe' londong inde meongsik tanda salungan, mekatabe'na' lako tomanda' massali alang to bintin unnissung ma'kambuno sange' disa'bu' gayang ma'pampang ma'paran-paran, tolanggan di pekutanai toendek di pa'paelei...

Temai tosikambi' aluk menalo langi' tosiingko' sangkak turun dibitara di sa'bu' toumbeanan kada masero pendan  toumpokuto to bisara, di posulo sulo lalan di pobia' kalambanan..

Lako to sikambi' Tebassena Tondok to siingkok lembangna pangleon, to di padudungi bunga to di patakinni Basi mataran Toma' PARENTA tungkasanganna..
Papa aka langnganna totama Tuka' totama solo' tobu'tu matalo matampu' to tiumba' dayamai ulunna salu dollok loti bulawan lo'mai tiparitikna minanga lambe' kukua TABE' TINGAYO BOKO'MI SIMAN KANAN KAIRINMI LAKU OLAPA UMBATING LAKULOMBAN PAMARIO..

Totiumba' Batu Rupanna tama Tandung Kalonaran , bo'yo' todolok pa'taunana tama garu'ga' di ampulembanggi, ia mo ade' di sakbu' to unra'ta' paayang sialikna padang di Toraya to alloan nina' to untina' to kula' pura di upu' tonna panggala' kambanpa padang di Jakarta tonna pura manapa' pa padang di Toraja, makalima'na ladisa'buk komi kamu tonno'koi randanna tasik mapulo to pintingkomi kamu nolai biringna liku sanda mandalan to nasaladan komi kamu alukna siri' ade' tonna ke'de' banuani losson di penloloanmi tonmi lamban diong salu, salu tangnondo batunna kumade pangkaranganna si'dan-si'dan isi salu borong misanda borongna..

Tommi tiumba' dao padang dilambalu makalima'na tidukung dao padang dikaleakan borong misanda borongna makalima'na mararang sangpiak buntu borong sang sese tanete na arang lelatunna te alukna  te inde dao lalong massallo' mengkala' tiku belanna ia mo aluk petundan tomamma' lako randanna langi'  ia mo sangka' peruyang  tomatindo lako palelean Uran, ia mopale' rampo milulang rara' diong terante kalua' makalima'na mikadente' bulawan diongte tandung kalonaran belanna nakua Toda' kadanna Pande tobisara temai manarang kumua " MEMANG LAIN PADANG BERDUA DIATAS PADANG DIBERKATAN DIKENAYANG JAUH DI SANA IDAMAN PARAWISATAWAN" belanna ada'ta di tandai belanna sangka' takaisanan..

Kukua Pela'i-pela'i lako pantan kanamaya-mayai da'na tisea' ti sambo' da'na tobang pantan torro, tang lara'ba pa teriu laku lessa' apa tangmi tiro raka mai tang ta'paraka  matanmi mangurapa dadinku bola pa pentarukanku tangmaupu' pa' te umpalumba' sangpatikan anna bisara, kamumo kamu pantaranakna pande pangloloan na manarang-nangmanarang komi kamu umpasipatu kada pandekomi kamu umpa siduduk ulelean kela denni tosilenda-lenda lan lepongan tondok ke ladenni tosala-sala lan tegontingna matari' allo.

diongmai  angganna toma'rapu tallang makalima'na to mempaoan ao' sisola anan di dadian bongsu nakondu torapa' tonaturiangna inde dao lalong masalo' mengkala' tiku, kumua belanna katang palambiran makalima'na katang maupuran lakibenan roko o'koran madatummi roko issungan makaraengmi anna kamu mora kamu sule  umpasi patu tana'i tama tondon tobatangmi umpasidundui katonganni rokko timban tingayomi.

Antan Tundan tongan mora Puang dimatua dao masua anggana to palulungan dao pataralayukna Puang titanan tallu tidindu samba' batu patoko " podo anan bura'ki lindo masakke diong terante kalua' anna pora'ki uaksake tanggori-gori diong te tandung kalonaran anta masakke mairi' marudindin solanasang..

KURRE SUMANGA'